المشاركات
قالت جدتي "كعب الخير"
أطال الله في عمرها:
-------------------------------------------
- قَادِرْ يا"وَادْ" تتصور قَدِّ إيه بِأَبْقَى مبسوطة
قوي؛ وأنا قاعدة "بأشوف التلافزيون" (جدتي تقصد أشاهد التلفزيون)؛
والسيسي ربنا يحميه لمصر أم الدنيا شغَّال بيفتح مشروعات الطرق والكباري الكبيرة،
وكام مطار جديد كده ( تقصد مطاري سفنكس والعاصمة الإدارية)"؛ وكمان
"قَصْر البارووووم" (جدتي تقصد قصر البارون)!
يا "وَادْ" ليه
"نخبة أم حَسِن الطبَّالة" بتاعتكم ما تَسْأَلْشِ نفسها: "هوَّه لا
قدر الله اللي بيحصل في ليبيا وسوريا والعراق واليمن كان "الشر بره
وبعيد" حُصُلْ في مصر بوجود جماعة الخُوَّان؟ كنا نشوف اللي بنشوفه دلوقت؟
الدول اللي حَوَالِيَنا يا"وَلَه" ربنا يساعدها وتِخْلَصْ من اللي فيها،
علشان تبدأ تعمل زيِّ دولتنا؛ واللي بجيشها الأمين دايماً كايدهم ومولع
الحَرَايِقْ في قلوبهم... بتبني مُدن ومطارات جديدة؛ وِتِشُقِّ طرق ما حُصُلِتْشِ
زيِّ دِيْ، وكل اللي بنشوفه وِيِعْمِي عِيْنِيْنِ اللِّي مَا يْصَلِّلي عَ
النَّبي؟
قُووولْ يا "وَاد" لْنخبة "هيشِّك
بِيشِّك": يا عِمْيَانِ القُلُوْب... فتَّحوا عيونكم اللي تِنْدَبِّ فيها
رْصِاصِة وِاتْنِيْن وِتَلاتَةْ؛ وشوفوا الحقيقة شوية؛ يمكن ادمغتكم المضروبة
"تفوووووق" وتِصْحَى... جاتكم الخيبة ؟!!
"رأفت السويركي"
ليست هناك تعليقات:
إرسال تعليق