المشاركات
قالت جدتي " كعب الخير " أطال الله في عمرها:
---------------------------------------
- عارف يا "واد" إن ثورة الربيع العربي اللي وصلت إلى لبنان "حلووووووووووة قوي قوي قوي"، بتفكرني بأغنية السندريللا سعاد حسني "الدنيا ربيع، والجو بديع، قفل لي على كل المواضيع... قفل قفل قفل"!
شوف يا "وله" الفنانة "الثائرة" اخترعت طريقة جديدة قوي للإحتجاج إسمها " ثورة هيشك بيشك"؛ نطت مثل الفرس الأصيلة وركبت على ظهر السيارة و"لزوم" تأكيد قوة الثوار؛ والنضال بكيد العوازل... نزلت هاتك يا رقص؛ بس بشرط يكون على أنغام أغنية وطنية؛ لأن المناسبة ثورية؛ والجماهير الثورية المحتجة قوي متجمعة بموبايلاتها في الميدان!!
والعجيب يا "واد" إن نخبتكم "الموكوسة" نخبة "أم حسن الطبالة" بدأت ترقص بالمشاركة؛ وتتقعر هي كمان وتقول: "إن الرقص في الميادين نوع جديد من الاحتجاج العبقري للجماهير؛ فالحكومات العربية بترقصنا بطريقتها؛ علشان كدة فالجماهير في الميادين من حقها بالديموقراطية تحتج بالرقص"... شفت يا "وله" زي إنت ما بتقول "إن علم الثورات اتطور ووصل إلى فين"؟ فعلا " يا نخبة أم حسن الطبالة" الثورات في الميادين على دين شعوبها... ربنا يخلع وسطكم!!
"رأفت السويركي"
ليست هناك تعليقات:
إرسال تعليق