الأربعاء، 30 أكتوبر 2019

قالت جدتي " كعب الخير " أطال الله في عمرها



قالت جدتي " كعب الخير " أطال الله في عمرها:
---------------------------------------
- تفتكر يا " واد " المثل اللي دايما أقوله:( تعلم في المتبلم يصبح ناسي)؟ أهي نخبتكم "الهبلة" يركب عليها المثل ده. قول لي إزاي؟

لما أنهى الامريكان مرحلة بن لادن قالوا إيه؟ قتلوه ورموا جثته في المحيط؛ يعني جسم الجريمة اختفى؛ والأحلى من كده يا " وله " إنهم قتلوا البغدادي رجل داعش؟ طيب فين جثته؟ مفيش؛ دي "اتفرتكت "ومالهاش أثر لأنه فجر نفسه بالحزام الناسف يعني مالوش أثر هو كمان !!

خللي بالك يا " واد " انهم بيصوروا بأقمارهم الصناعية "حركة النملة في الرملة"؛ وكمان وبيسجلوا من الموبايلات كل المكالمات؛ لكنهم مش عارفين اللي اسمه الظواهري مستخبي فين؛ شوفت الخيبة؟!

إعرف اللعبة يا " وله "! همه يخترعوا الوحش ويكبروا مخالبه حسب مزاجهم؛ وكمان يكتبوا نهاية قصته بنفسهم فجأة... طيب فين الدليل إن بن لادن مات والبغدادي لحقوا للجحيم؟ مفيش جثث... طيب خلونا نشوف حتة قماشة ليلة الدخلة؛ يوه دي اتغسلت بالغلط... هههههههههه!!

يا " واد " الامريكان طلعوا بن لادن القاعدة في أفغانستان، وأعلنوا موته في باكستان؛ وطلعوا البغدادي داعش في العراق؛ وأعلنوا موته في إدلب بسوريا؛ طيب علشان يطلعوا  بعده مييييييييييين وفيييييين؟

" هه " جاوبوا على السؤال يا نخبة الحلوين؛ إذا كان حد منكم حيعرف اسم الوحش الجديد... راح أغني له أغنية نانسي عجرم (شاطر شاطر)؟ فعلا إنتم شوية "بغبغانات"!!

           "رأفت السويركي"

ليست هناك تعليقات:

إرسال تعليق