المشاركات
قالت جدتي " كعب الخير " أطال الله في عمرها:---------------------------------------
قلت إلى جدتي المشاكسة جدا، وكأنني انتصرت عليها: "هذا تعبير يا حاجة عن المجتمعات الديموقراطية الأصيلة، التي تعتبر الرئيس موظفا، ويخضع للتحقيق والعزل من المنصب"!!
انفجرت جدتي الغالية في نوبة من الضحك والقهقهة للدرجة التي خشيت عليها من توقف تنفسها، فحملت إليها مسرعا كوب الماء، فشربت رشفة، وتنحنحت ثم دفعتني بكف يدها في صدري كعادتها، وهي تقول بصوت متهالك: "خيبتك إنت ونخبتك الطبالة كبيرة قوي"... مجلس النواب الأمريكاني ده يا "واد" مش أكتريته من "حزبة" هيلاري كلينتون(جدتي تقصد حزب الديموقراطيين)، يعني أكتر الأصوات لهم و"الغرض مرض"، و"طرامب " زمان كان غلبهم في الانتخابات، فلازم يردوا له القلم اللي أخدوه على قفاهم منه!!
وبعدين يا "واد" إنت ناسي إن "طرامب" مسنود من مجلس المشايخ الأمريكاني (جدتي تقصد مجلس الشيوخ) اللي متشكل من أغلبية "حزبة طرامب" ومش راح يدينوه، لأنها مغايظة أحزاب أمريكاني (جدتي تقصد إغاظة)، وقانونها:" سيب وأنا أسيب" (جدتي تقصد إتركني وأنا أتركك) و"تديني بالقلم أديك بالقلم زيه"!!
يعني يا "وله" كله علي رأي المثل: " أحمد زي سيدي أحمد" و" كله على كله لما تشوفه قول له" وإنت و"نخبة أم حسن الطبالة" بتاعتكم لسة بتعتبروا اللعبة الأمريكاني دي هي الديموقراطية... قوم "ياواد" إعمل لي"كوباية" شاي... جاتكم الخيبة والويبة "عكرتم" مزاجي!!
"رأفت السويركي"
******************
ليست هناك تعليقات:
إرسال تعليق