قالت جدتي " كعب الخير " أطال الله في عمرها:
---------------------------------------

- الظاهر  يا "واد" إن المقاول "المخلول الهربان" محمد علي(جدتي تقصد الهارب المصاب بالخلل) مزود جرعات الهيروين اللي بيتعاطاها الأيام دي كتير.  يا "واد" ده ما بيفوتشي خمس دقايق من غير ما يمسح مناخيره بضهر كف إيده من تحت زي الشمامين.

وقال إيه يا " واد " إخوان الشيطان في لندن نظموا له مؤتمر يعلن فيه عن مشروع ـ ما تضحكشي كده ـ يا "وله" يبدأ به إنقاذ مصر... والله عجيب. الظاهر إنه مزود "دوز الشم" قوي الأيام دي؛ بعد فشله من ساعة ما طلعوه ليلعبوا به!!

 "المتعوس" ده راح يكرر سيناريو "جماعة الشياطين" اللي عملته للمراكيب اللي سبقوه وهربوا من الممثلين الكومبارس؛ ويعملوا لهم اجتماعات مع لجان الاتحاد الأوروبي؛ ومجلس الشيوخ الأمريكي؛ والمنظمات القبيضة إياها؛ اللي بتاجر بلعبة حقوق الإنسان.

أنا شايفة يا "واد" إن الحكاية دي بقيت (هُزْء قوي)؛ شوية عيال شَرّيبة وضَرِيبَة ومشكوك في رجولتها؛ بيحاولوا يشغلوا تفكير الناس في "فيس بوك" و"تويتر" بهيصتهم الفاشلة. يتحرق واحد تطلع الجماعة الفاشلة وراه التاني؛ وياخد له كام شهر؛ وبعدين يندفن زي اللي قبله.

يا "واد" ولا واحد منهم بيقول حاجة تستاهل؛ مفيش غير الولولة والكلام المتكرر الممل؛ وأكتر المستفيد منهم هي قنوات "الخنزيرة" و "مقملين" و "الشرخ" و"الخوار" وأمثالها؛ وأهو بيملوا بيهم ساعات "الهلس المباشر". صحيح يا "واد" على رأي المثل:  "القوالب نامت والانصاص قامت"؛ جاتهم الخيبة!!

           "رأفت السويركي"