المشاركات
قالت جدتي " كعب الخير " أطال الله في عمرها:
---------------------------------------
ـ عجيب يا "واد" إن ولا واحد من أصحابك " نخبة أم حسن الطبالة " بتاعتكم اللي قلبت الـ "فيس" و "تويتر" مناحة على الديموقراطية في مصر كلهم "مطنشين" لغاية دلوقت إعلان تضامنهم مع الغلابة زيهم من النخبة اللي عيونها خضراء ولابسين القمصان الصفراء في فرنسا؛ ولسة بيتظاهروا وبيحتجوا ضد الغلاء وزيادة سعر "البنزيم" (جدتي تقصد البنزين) وارتفاع الضرايب اللي بتاخدها حكومة فرنسا منهم؛ مش من الأغنياء!
ياه يا "وله" هو مش كدة الحكومة في فرنسا بتبقى برضه حكومة ديكتاتورية؛ لأنها "متبتة" (جدتي تقصد متشبثة) في الكراسي؛ وما قدمتشي استقالتها تحت ضغط احتجاجات"الصفراويين" دول. ليه "نخبة أم حسن" بتاعتكم عاملة نفسها مش شايفة إن الحكومة الفرنسية اللي جاءت بالانتخابات ما بتسألشي فيهم وهما بيحتجوا عليها؛ وإزاي ما رضختشي لضغوطهم!
لأ وإيه؛ نخبتكم الثورية قوي يا "واد" ما بتنددشي بإجراءات تعامل الحكومة الفرنسية ضد (قلة أدب) المتظاهرين الصفراويين؛ لما بيحدفوا (جدتي تقصد يقذفوا) الشرطة هناك بالحجارة؛ فترد عليهم بضربهم بقنابل "غاز الدموع" (جدتي تقصد القنابل المسيلة للدموع).
الله يا "واد" هي "نخبة أم حسن الطبالة" بتاعتكم؛ بسكوتها ده لسه شايفة إن الشرطة الفرنسية ديموقراطية؛ والحكومة الفرنسية حنينة قوي وقلبها على الناس؛ لكن شرطتنا قمعية وحكومتنا راكبة راسها وبتشتغل ضد الفقرا هنا لله في لله!!
يا "وله" قول لنخبتكم الرقاصة دي: اللي بيحصل في فرنسا زي ما بسمع في التلفزيون إنهم هناك بيحاولوا يسدوا العجز في الميزان (جدتي تقصد الميزانية)؛ مقابل الخدمات اللي بيأخدها جيوش الصفراويين؛ بينما حكومتنا اللي مش عاجباهم وجايبة لهم الأرتيكاريا(جدتي تقصد الحساسية) هي حكومة بتصلح خراب أربعين سنة فاتت؛ وبتعالج كوارث بالوعة السكان المفتوحة وتبخ عيال كل دقيقة؛ وكمان بتوفر فرص عمل للعواطلية القاعدين متأنتخين على القهاوي وكل شغلتهم يجروا الدخان من معسل الجوزة بالتعميرة.
الغريب يا "وله" أنا شوفت في التلفزيون... إن الصفراووين دول بيحتفلوا دلوقت بمرور سنة على مظاهراتهم؛ وياعيني لسه الحال زي ما هوه من سنة؛ وكأنك (يا أبو زيد ماغزيت)؛ بيتجمعوا ويتظاهروا؛ ويتجاوزوا الالتزام المفروض بالاتفاق والقانون؛ وطبعا (الشرطة الفرنسية الديمقراطية جدا) ما بتطبطبشي عليهم؛ فتضربهم بقنابل الدخان طول السنة اللي فاتت كلها. و"نخبة أم حسن الطبالة " بتاعتكم عاملة (ودن من طين وودن من عجين)؛ أصلهم عميان يا "وله" ولا أقولك: يمكن ما بيعرفوش فرنساوي... هههههه!!
"رأفت السويركي"
---------------------------------------
ـ عجيب يا "واد" إن ولا واحد من أصحابك " نخبة أم حسن الطبالة " بتاعتكم اللي قلبت الـ "فيس" و "تويتر" مناحة على الديموقراطية في مصر كلهم "مطنشين" لغاية دلوقت إعلان تضامنهم مع الغلابة زيهم من النخبة اللي عيونها خضراء ولابسين القمصان الصفراء في فرنسا؛ ولسة بيتظاهروا وبيحتجوا ضد الغلاء وزيادة سعر "البنزيم" (جدتي تقصد البنزين) وارتفاع الضرايب اللي بتاخدها حكومة فرنسا منهم؛ مش من الأغنياء!
ياه يا "وله" هو مش كدة الحكومة في فرنسا بتبقى برضه حكومة ديكتاتورية؛ لأنها "متبتة" (جدتي تقصد متشبثة) في الكراسي؛ وما قدمتشي استقالتها تحت ضغط احتجاجات"الصفراويين" دول. ليه "نخبة أم حسن" بتاعتكم عاملة نفسها مش شايفة إن الحكومة الفرنسية اللي جاءت بالانتخابات ما بتسألشي فيهم وهما بيحتجوا عليها؛ وإزاي ما رضختشي لضغوطهم!
لأ وإيه؛ نخبتكم الثورية قوي يا "واد" ما بتنددشي بإجراءات تعامل الحكومة الفرنسية ضد (قلة أدب) المتظاهرين الصفراويين؛ لما بيحدفوا (جدتي تقصد يقذفوا) الشرطة هناك بالحجارة؛ فترد عليهم بضربهم بقنابل "غاز الدموع" (جدتي تقصد القنابل المسيلة للدموع).
الله يا "واد" هي "نخبة أم حسن الطبالة" بتاعتكم؛ بسكوتها ده لسه شايفة إن الشرطة الفرنسية ديموقراطية؛ والحكومة الفرنسية حنينة قوي وقلبها على الناس؛ لكن شرطتنا قمعية وحكومتنا راكبة راسها وبتشتغل ضد الفقرا هنا لله في لله!!
يا "وله" قول لنخبتكم الرقاصة دي: اللي بيحصل في فرنسا زي ما بسمع في التلفزيون إنهم هناك بيحاولوا يسدوا العجز في الميزان (جدتي تقصد الميزانية)؛ مقابل الخدمات اللي بيأخدها جيوش الصفراويين؛ بينما حكومتنا اللي مش عاجباهم وجايبة لهم الأرتيكاريا(جدتي تقصد الحساسية) هي حكومة بتصلح خراب أربعين سنة فاتت؛ وبتعالج كوارث بالوعة السكان المفتوحة وتبخ عيال كل دقيقة؛ وكمان بتوفر فرص عمل للعواطلية القاعدين متأنتخين على القهاوي وكل شغلتهم يجروا الدخان من معسل الجوزة بالتعميرة.
الغريب يا "وله" أنا شوفت في التلفزيون... إن الصفراووين دول بيحتفلوا دلوقت بمرور سنة على مظاهراتهم؛ وياعيني لسه الحال زي ما هوه من سنة؛ وكأنك (يا أبو زيد ماغزيت)؛ بيتجمعوا ويتظاهروا؛ ويتجاوزوا الالتزام المفروض بالاتفاق والقانون؛ وطبعا (الشرطة الفرنسية الديمقراطية جدا) ما بتطبطبشي عليهم؛ فتضربهم بقنابل الدخان طول السنة اللي فاتت كلها. و"نخبة أم حسن الطبالة " بتاعتكم عاملة (ودن من طين وودن من عجين)؛ أصلهم عميان يا "وله" ولا أقولك: يمكن ما بيعرفوش فرنساوي... هههههه!!
"رأفت السويركي"
ليست هناك تعليقات:
إرسال تعليق